Tgk Banta MAA

 Dua ploh manyam jeulame gata Sang payah tunda e dara ceubeuh Golom ta pasoe keu Aso kama Han ek ta peuna pat taneuk kireuh Cit han sesuai sagai hai dara Pulom keurija geutanyo buruh Kadang oh uroe laloe lam paya Dalam uro kha lawoek semen kreuh Kon ka tatupu dumpu nyo masa Keu bhah beulanja cukop meukarat teuh Bak ta mita peng mereng kepala Rap² meuputa ule uwateuh Han abeh pike wahe adinda Lagenyo cara sang payah peulheuh Payah lon paleng mungken ngon gata Dak meu peukara alah hom kakeuh Sang payah aleh keudeh lon tuka Keu leumo dara geulantoe blo meuh Kadang na hase wase peulara Singoh ta mita lom yang meu ie breuh Sithon dua thon ulon cit saba Lanjut usaha pat tat na yang deuh Seubab han sanggop meucoet boh naga Maka lon tuka deungon boh haneuh Jinoe hana le pike keu gata Beuthat lam dada rasa cukop weuh Yang Peunteng hate sabe lam saba Ta anggap saja atra golom deuh Daleh pih wajah golom pih tuha Adak teunaga mantong cukop kreuh Meunyona umu ukeu ta mita Dak tan yang dara jand...

 Di dalam lampoh timoh bak coklat Timoh boh langsat didalam uteun Keu hai pak geuchik bacut lon intat Hanatom mangat jameun keu jameun Nasib pak geusyik hai rakan sahbat Hana tom mangat jameun keu jameun Ka sama corak dak beurang kapat Mameh deungon klat sidroe geu peutheun Haba lam gampong kaom uloen lhat Bak jino sa'at parah dum ureung Si uroe suntoek siboek lam upat Keubiet that ladat bak buet jungkat keung Inong ngon agam macam tabi'at Contoh hai sahbat cuba ulon leung Meuwab peng desa konna le that-that Nyan saboh seubab dawa duem ureung Keu geusyik gampoeng ladoem di hujat Macam di jungkat hanyi geulunyueng Wab niet hana troh beuroh peurangkat Ka di meupakat hoi aneuk kumuen Ladom bak jambo ato siasat Upat meu upat sampo meujeum-jeum Sinan geu bahah bhah rumoeh rehab Peureuseh sahbat lam rapat umum Geusyik lam desa na yang meutat-tat Ulei di kap-kap pike su ureung Macam di dawa le masyarakat Ban bacuet silap ka di lakei glueng Ulei geuh mumang peutimang Rakyat Bak geu peu...