RA Kartini

Pahlawan Nasional R.A Kartini
Emasipasi Kawôm wanita
Mëunyoë di Aceh Siplôh Srikandi
Yóh jamëun lawi Sultanah Kana

Bèklè ta tuntut Emasipasi
Sëubab yôh lawi jamëun kôn kana
Panëuk calitra haba mulai
R.A Kartini dalam calitra

Ta puwoë kisah siplôh Srikandi
Nanggroë sëurambi Pahlawan kita
Cuma padum droë nyang di akui
Lè Nanggroë R.I Pahlawan bangsa

Padahai Aceh le that Srikandi
Sëujak mulai yóh prang Bëulanda
Masa prang jëupang gagah berani
Pëuran Srikandi gëumat sëunjata

Dum Perjuangan R.A Kartini
Mandum gëu asi ngôn surat saja
Misëu lón pëugah Malahayati
Panglima Tinggi Pimpin Armada

Sampoë án jinoë tan soë tandingi
Malahayati Pahlawan dónya
Misëu Cut Nyak dhiën bacut Lón rawi
Kiban Srikandi yóh prang Bëulanda

Kiban Heroik kisah Srikandi
Lam Filem nëuci nonton bëusigra
Sampoë di buang Nanggroë bëutawi
Sumeudang nanggri kubu syuhada

Dilikót bukét kubu srikandi
Sapat h'an jibri ngôn kubu Raja
Ratu nahrisyah mëunan sit lagi
Cut barén sakti h'ana lôn rika

Mëunan sit laén cut mëurah Siti
Gagah bëurani bela negara
Tamah sidrö tëuk gagah berani
Pembela nëugri cut nyak mutia

Lahèran gobnyan këurëuto citi
Bak thôn nyang lawi 1870 saja
24 oktober nëuwo bak Rabbi
Syahid Allah bri bak prang belanda

1910 bak thôn nyan pasti
Di Aluë kuriëng Aceh Utara
Umu 39 masanyan lawi
Nëuwo bak Rabbi nëutôp usia

Mëusimbah darah bumi serambi
Harôm mëuwangi Aceh Utara
Sebab pahlawan gagah berani
Pendekar ahli nyak cut Mutia

Komentar

Posting Komentar

Postingan populer dari blog ini

Pantoen Peusijuk

Gambar
Makna Peusjiuk Lam Basa Aceh Tgk Banta Chairullah Lam adat aceh kalhëuh gëupëuduk Hukôm pëusijuk lé urëung tuha Lagè gëuatô bèkna mëu isëuk Sëubab pëusijuëk ngôn tuëng sëumpëuna Tatuëng sëumpëuna nibak brëuh padé Kulét h'ana cré lëukang bak asô Dak jëut lagènyan sampôán maté Bèk rôh tëukëusé tanyô lam rugo Gëutuëng sëumpëuna tumpô bulukat Gaséh mëu ikat mandum gëutanyô Bëusabôh hatè bëusapu pakat Tuhan bri Rahmat malam ngôn urô Gëutuëng sëumpëuna bak ón sëunijuëk Rasa yang sijuëk bëuthat lam urô Bëurangpat tadông bëurangpat taduëk Dalam tawadhuk gata anëuk drô Ón manék manô ngôn nalëung sambô Pucôk h'antôm thô bëuthat lam urô Bu mubahgia mandum gëutanyô Bèk rôh tëulanjô nibak buët kutô Gëutuëng sëumpëuna bak lëubu itam Dak ië mëukuyan h'an këunông asö Adak ngôn judô na salah paham Bèk sagai taulan gôb thè atranyô Lam ië sëunijuëk sira na gëubôh Kadang cit ék rôh masén suara Watè ta marit bëusunggôh-sunggôh Amanah bëutrôh bèk rôh mëutuka Na gëubôh saka supaya mam...
Selanjutnya

Makna Peuneuwo Linto

Gambar
Panton Penjelasan Peuneuwo Linto Ada beberapa barang yang biasanya dibawa oleh rombongan laki-laki seperti Kelapa Bertunas (U Timoh) nyang gëukhëun dëungôn u pawèe, Rumah Adat Aceh (Pëurakan) , U Tëulasôn, Pisang Mëutëundôn, Teubee Meu’on dan barang-barang lain seperti barang keperluan seperti Pakaian, peralatan ibadah, kosmetik, sandal/sepatu, peralatan mandi, pakaian dalam, dan lain-lain. Apakah barang itu hanya dibawa sebagai pelengkap walimatul urusy perkawinan ?, atau apakah barang-barang itu mempunyai makna dan filosofi ? U Timoh yaitu kelapa yang telah bertunas (biasanya 2 lembar) yang dinamakan dengan U Pawè sebagai lambang bahwa hari ini adalah titik awal membina bahtera keluarga dan diharapkan dapat tumbuh laksana tumbuhnya pohon kelapa dimana setiap bagiannya memiliki manfaat dan tidak ada yang sia-sia. Gëuba u timôh gëukhëun u pawè Sinan mëutëuntè dilè usëuha Gëuyujak pula bèk sampé layè Ikhtiyëu sampè nibak phôn mula Simpëuna sinan cit le mëutëuntè Misëu phôn d...
Selanjutnya

Nasib Pak Geuchik

Gambar
 Di dalam lampoh timoh bak coklat Timoh boh langsat didalam uteun Keu hai pak geuchik bacut lon intat Hanatom mangat jameun keu jameun Nasib pak geusyik hai rakan sahbat Hana tom mangat jameun keu jameun Ka sama corak dak beurang kapat Mameh deungon klat sidroe geu peutheun Haba lam gampong kaom uloen lhat Bak jino sa'at parah dum ureung Si uroe suntoek siboek lam upat Keubiet that ladat bak buet jungkat keung Inong ngon agam macam tabi'at Contoh hai sahbat cuba ulon leung Meuwab peng desa konna le that-that Nyan saboh seubab dawa duem ureung Keu geusyik gampoeng ladoem di hujat Macam di jungkat hanyi geulunyueng Wab niet hana troh beuroh peurangkat Ka di meupakat hoi aneuk kumuen Ladom bak jambo ato siasat Upat meu upat sampo meujeum-jeum Sinan geu bahah bhah rumoeh rehab Peureuseh sahbat lam rapat umum Geusyik lam desa na yang meutat-tat Ulei di kap-kap pike su ureung Macam di dawa le masyarakat Ban bacuet silap ka di lakei glueng Ulei geuh mumang peutimang Rakyat Bak geu peu...
Selanjutnya