Tgk Banta MAA

Faedah Seumayang Teuraweh Nyo neudeungo hadis Nabi ulon seubot Yang riwayat wahe sahbat abu Daud Ngon Tarmizi hadis Nabi neupham beujeut Beurangkaso neukheun Nabi meutaraweh nyo di pubut Shalat teuraweh ji meu Imum meunan maksud Le that fahla hai saudara nyo ta pubut Saidina Ali tanyong bak Nabi kiban meukeusud Seumbahyang teuraweh meupu leubeh Nabi neusebut Jaweub Nabi wahe Ali tapham beujeut Rayek that fahla Tuhan esa neuyu pubut Tip tip malam lam ramadhan nyo lon sebut Le Fadhilah nyo lon peugah seun seun bacut Bak malam phon ampon dausa hai tgk cut Ubeut ngon rayek Tuhan peutrok ban meukeusud Miseu umpama hai saudara manyak lam prut Hana dausa sebab gohna but ji pubut Malam keu dua ampon dausa ma deungon yah Hadits Nabi le Tarmidzie meunan neupeugah Dausa neu ampon lage sabon baje neurhah Meunan umpama ampon dausa ma deungon ayah Malam keu lhee beuna neuthe nyo lon peugah Malaikat hei ngon berseru di yub arasy Tajak keuno bak malamnyo ta ibadah Dausa ampon bube nyang ka...

Beurandang nakeuh saboh teumpat untuk keuneubah: Padé: Beurandang padé saboh bangonan geupeugèt peuët sagoë bintéhjih papeuën teubai keu geunantoë krông. Di Kruëng Manè na saboh gampông nanjih Tumpôk Beurandang toë ngön Gampông Cot Usi.  Jumpung: Saboh bangonan geupeugèt geubôh bubông lom geubôh pageuë keu teumpat keubah jumpung keu eumpeuën leumo keubeuë. Meunyo teumpat keubah kayèë na cit geukheun panggông kayèë.

Meukru seumangat hate teuh seunang Takheun Marhaban Rajab ka teuka Nyo saboh buleun yang keulebehan Neubri le Tuhan keupada Hamba Nakeuh Syahrullah Rajab geupeunan Le keutamaan buleun mulia Leubeh beuleunnyan lage Al-Qur'an Dari laen Kalam meunan umpama Meuso puasa siuro akan Dalam buleun nyan Lillahi ta’ala Fahala 40 thon geubri le Tuhan Sebago balasan deungon ridhaNya Riwayat laen geupeugah sinan Meuso yang Shauman nibak Rajaba Dousa yang lawi yang ta kerjakan Geubri Ampunan oleh Rabbana Beureukat umu lom geutambahkan Grah pih jih tan akhirat teuma Sigra puasa bek seugan-seugan Lam buleun Tuhan le that fahla Yang meuseudekah laen lom macam Geubri balasan siribe Dina Geucatat juga keu pada si man Siribe keubajikan tiep-tiep bulenya Siribe derajat Allah tinggikan Siribe keujahatan geusampoh teuma Sunggoh mulia hikmah buleun nyan Meuso amalkan deungon sibeuna Malam 27 nibak buleunnyan Ultah seumbahyang wahe syedara Meuso puasa nibak uro nyan Fahala saban 5 thon keunira L...

Musëum Aceh Watè luah blang urëung këumawè Sidèh dalam urëung mëurusa Cinta musëum tanyô bëusarè Hèbat bukônlè aceh mulia Sëujarah awai masa parang kafè Mumacam lahè takalôn gamba Nibak musëum gëukëubah bëudè Sëubab h'analè nyan harô hara Nyankëuh musëum bak tanyô lahè Bëuna lam hatè mandum saudara Pulom këunëubah mëurëuntang sarè Ta këunang sabè sëujarah bangsa Lagè samurai tajam bukônlè Nyô takôh rantè hancô mëulëu a Nibak musëum nëukëubah sarè Jëut tangiëng sabè benda pusaka Na pèng dirëuham bèrèh bukônlè Mëurëuntang sabè lam pëutô kaca Këunëubah jamëun kuta dëungôn glè Ingat bëusabè sëujarah bangsa Musëum aceh ingat bëutëuntè Memang ka jithè sampô ulua Tëumpat këunëubah barang pëurëulè Mangat bèk layè sëujarah bangsa Situs budaya bèkna mëugèsè Mandum gëu angkè lam pëutô raya Këunan gëukubah mangat bèk rëudè Bèk sampo layè këunëubah maja Di thôn 18 abad yôh dilè Sampô mëutëuntè 20 kana Mandum sëujarah këunan gëu angkè Mangat gôt jithè le anëuk bangsa

Budaya Aceh Nanggrô nyang makmu mëutabu kisah Sëuramoë mëukah julukan gëubri Jitheè u luwa bangsa nyang gagah Budaya that cëudah tanöh srikandi Jëumpa sëulanga rincóng mëutuwah Tarian cëudah saman sëudati Hikayat Aceh mumacam kisah Indatu këubah bëuna ta turi 2025 bahasa aceh lomba puisi Mumacam seni ta kalon nyata Budaya aceh gëutanyo pëu lestari Mangat jituri lé anëuk bangsa Budaya aceh ta jaga jëut sië Bèk sagai sangsi kawôm syèdara Wahè kawôm lôn muda ngôn mudi Hai generasi jaga budaya Budaya aceh bëuna ta sayang Bèk sampô karam h'an sô padóli Mëunyô kôn tanyô jinô nyang pëutrang Digôb hai taulan h'an ji pëuturi Budaya aceh sahèh ta pandang Le that piasan di bidang seni Rapai pasèe jithè kon wayang Gëurimphèng saban la wahai akhi

Pëutimang Adat Ranup sigapu jampu pinëung klat Mubri këu sahbat jamè ban tëuka Budaya aceh sahèh ta ingat Seni ngôn adat dan lom agama Rók dëungôn tói këu aso nanggrö Ruhuëng ngôn bajö nyan këu pëutuwa Taméh ngôn puténg këu ulè balang Bëunëung ngôn adang nyán këu úlama Gëubôh adat gëunantô pagëu Nak bèk jilingkëu lé urëung luwa Ka gëubôh hukôm nyán këu aqidah Mangát bèk salah nibak agama Gëubôh rëusam mangat mëukëunóng Agam inông mangátna bèda Gëubôh qanun supaya nak jrôh Nak bèk mëurôh-rôh jëut-jëut pëukara Mëunyô kông adat sëulamat hukôm Rëusam ngôn qanun tëupëulara Rakyat sëunang aman tip gampông H'ana mëurôn-rôn bak jëut-jëut pëukara Mëunyô mëusapat adat ngôn hukôm Misëu nyan nyáwông dëungôn anggota Dak misëu rëusam ka dëungôn qanun Dak tamsé rëubëung ka dëungôn tika Hukôm Allah dalam Sunnah ngôn Firëuman Hukôm Raja lam acara undang-undang Hukôm syara'k ka mëujamak qanun rëusam Hukôm adat laén tempat laén macam Mëunyô adat sit mëukôh rëubóng Mëunyô hukóm sit mëu...

Tok-Tok  Bragoë        Tok-tok bragoë atawa totok bragoë nakeuh jeunèh cicém Picidae ladém peugöt eumpung lam bak kayèë maté ngön ka thô. Tok-tok bragoë nyan ji teureubang miyub-manyang ngön ji döng bak bak kayèë  thô nyan umpama : bak ibôh, bak jôk, bak u ngön bandum  bak kayèë maté.         Tok-tok bragoë nyan kreuëh ngön tajam that gukèë jih meuklok lam kulét bak jayèë, hingga deungön mudah ji lina-lina atawa ji lingka-lingka bak kayèë sa'at mita eumpeuën jeuëb-jeuëb bak kayèë.           Cicém nyan na mubagoë macam wareuna bulèë jih rampoë ( kombinasi) wareuna ngön meukilat-kilat reunèk lom bak ulèë jih na bulèë teubai panyang sibagoë kulahkama lagèë meukuta bak ulèë raja manusia.         Eumpeuën jih nakeuh binatang-binatang ubeut lam kulét kayèë umpama boh sidöm, daruët,  limpeuën, ulat ngön la'én-la'én lom.        Tok-tok bragoë nyan ud...