Haba Pëuingat Lintô Barô

Haba Pëu Ingat Lintô Barô

Mëublé bintang di langét hijô
Cahya mëuhambô bulëun purnama
Lôn bri horëumat këu dara barô
Ngôn tëungku lintô muda bahlia

Sëulamat bahgia lintô ngôn judô
Dalam pëurahô dónya këuduwa
Bakta jëumëurang laôt nyang hijô
Nëubri Tuhan E Rahmat sëujahtra

Bëulagè adék dëungôn cut abang
Ban Nabi adam ngôn siti hawa
Bëulagè Áli dëungôn fatimah
Sabé lam gairah cinta mëucinta

Umpama Muhammad dëungôn khadijah
Rahmat nëulimpah ulèh Rabbana
Bëujëut këu tëungku dua boh payông
Tëumpat mëulindông óh ujëun tëuka

Bëu jëut këu tëungku këu panyôt tanglóng
Ngôn pëutrang gampông watè gurana
Umpama jambô samat tëungôh blang
Tëumpat mëunumpang dalam urô kha

Tëumpat mëurëului barôh ngôn tunông
Tëumpat tëumanyông tuha ngôn muda
E tëungku lintô ulôn pëu ingat
Ulôn amanat bak lintô muda
Gata gëukandóng poma susah that
Bëuna ta ingat poma ka tuha

Bèk hai lintô mëutuah óh kana judô
Këu poma hai lintô tuwô di gata
Pulom mutumé nyang putéh licén
Mëu ëungkôt masén h'anle ta kira

Mangat-mangat lëukat mëu iku
Lëubèh mangat bu brëuh padé aka
Nyô h'ana dôá ayah ngôn ibu
Barat ngôn timu h'ana bahgia

Étnan këuh bacut haba pëu ingat
Laén amanat bacut agama
Bak waté subôh bëudôh bëurangkat
U mesjid mëuhat tajak lé sigra

Ngôn dara barô beuna ta pugô
Bèk meupalô óh akhé masa
Laju nibak mon tatuëng ië wudhuk
Sëumbahyang khusyuk pujö Rabbana

Komentar

Posting Komentar

Postingan populer dari blog ini

Pantoen Peusijuk

Gambar
Makna Peusjiuk Lam Basa Aceh Tgk Banta Chairullah Lam adat aceh kalhëuh gëupëuduk Hukôm pëusijuk lé urëung tuha Lagè gëuatô bèkna mëu isëuk Sëubab pëusijuëk ngôn tuëng sëumpëuna Tatuëng sëumpëuna nibak brëuh padé Kulét h'ana cré lëukang bak asô Dak jëut lagènyan sampôán maté Bèk rôh tëukëusé tanyô lam rugo Gëutuëng sëumpëuna tumpô bulukat Gaséh mëu ikat mandum gëutanyô Bëusabôh hatè bëusapu pakat Tuhan bri Rahmat malam ngôn urô Gëutuëng sëumpëuna bak ón sëunijuëk Rasa yang sijuëk bëuthat lam urô Bëurangpat tadông bëurangpat taduëk Dalam tawadhuk gata anëuk drô Ón manék manô ngôn nalëung sambô Pucôk h'antôm thô bëuthat lam urô Bu mubahgia mandum gëutanyô Bèk rôh tëulanjô nibak buët kutô Gëutuëng sëumpëuna bak lëubu itam Dak ië mëukuyan h'an këunông asö Adak ngôn judô na salah paham Bèk sagai taulan gôb thè atranyô Lam ië sëunijuëk sira na gëubôh Kadang cit ék rôh masén suara Watè ta marit bëusunggôh-sunggôh Amanah bëutrôh bèk rôh mëutuka Na gëubôh saka supaya mam...
Selanjutnya

Makna Peuneuwo Linto

Gambar
Panton Penjelasan Peuneuwo Linto Ada beberapa barang yang biasanya dibawa oleh rombongan laki-laki seperti Kelapa Bertunas (U Timoh) nyang gëukhëun dëungôn u pawèe, Rumah Adat Aceh (Pëurakan) , U Tëulasôn, Pisang Mëutëundôn, Teubee Meu’on dan barang-barang lain seperti barang keperluan seperti Pakaian, peralatan ibadah, kosmetik, sandal/sepatu, peralatan mandi, pakaian dalam, dan lain-lain. Apakah barang itu hanya dibawa sebagai pelengkap walimatul urusy perkawinan ?, atau apakah barang-barang itu mempunyai makna dan filosofi ? U Timoh yaitu kelapa yang telah bertunas (biasanya 2 lembar) yang dinamakan dengan U Pawè sebagai lambang bahwa hari ini adalah titik awal membina bahtera keluarga dan diharapkan dapat tumbuh laksana tumbuhnya pohon kelapa dimana setiap bagiannya memiliki manfaat dan tidak ada yang sia-sia. Gëuba u timôh gëukhëun u pawè Sinan mëutëuntè dilè usëuha Gëuyujak pula bèk sampé layè Ikhtiyëu sampè nibak phôn mula Simpëuna sinan cit le mëutëuntè Misëu phôn d...
Selanjutnya

Nasib Pak Geuchik

Gambar
 Di dalam lampoh timoh bak coklat Timoh boh langsat didalam uteun Keu hai pak geuchik bacut lon intat Hanatom mangat jameun keu jameun Nasib pak geusyik hai rakan sahbat Hana tom mangat jameun keu jameun Ka sama corak dak beurang kapat Mameh deungon klat sidroe geu peutheun Haba lam gampong kaom uloen lhat Bak jino sa'at parah dum ureung Si uroe suntoek siboek lam upat Keubiet that ladat bak buet jungkat keung Inong ngon agam macam tabi'at Contoh hai sahbat cuba ulon leung Meuwab peng desa konna le that-that Nyan saboh seubab dawa duem ureung Keu geusyik gampoeng ladoem di hujat Macam di jungkat hanyi geulunyueng Wab niet hana troh beuroh peurangkat Ka di meupakat hoi aneuk kumuen Ladom bak jambo ato siasat Upat meu upat sampo meujeum-jeum Sinan geu bahah bhah rumoeh rehab Peureuseh sahbat lam rapat umum Geusyik lam desa na yang meutat-tat Ulei di kap-kap pike su ureung Macam di dawa le masyarakat Ban bacuet silap ka di lakei glueng Ulei geuh mumang peutimang Rakyat Bak geu peu...
Selanjutnya