Panton Peusijuk


     Nariët Ayah Watè Pëusijuëk
===========================
Nyang pëusijuëknyan anëuk mëutuah
Tgk Abdullah urëung chíëk gata
Bak ulônnyö gëujôk amanah
Sëunambông lidah pëunëusah haba

Pëunëusah haba këu anëuk lidah
Gantô pëutuah këubah lam dada
Mandua gata kalhëuh mëunikah
Jinô cit kasah lam rumôh tangga

Gata ngôn judô bëusabôh arah
Bèkna farikah lam rumôh tangga
Bëugôt nyak intan judô ta papah
Bèk malè ayah dikëu rakyat ba

Bèk sagai tuwo ta Pujô Allah
Bëule ibadah lam tip-tip masa
Adat ngôn hukôm sanjông ta papah
Bèk rôh mëukilah bak pëugah haba

    Nariët Pôma Watè Pëusijuëk
===========================
Nyang pëusijuknyô sambinö bungông
Urëung chik inông nyô pôma gata
Nyang kamô pëugah lidah sëunëumông
Ta pham bëukëunông amanah pôma

Urônyô hai nëuk gata gëubri ngôn
Drôtëuh nyang kalôn dëungôn ta mita
Sëubab ka haté h'anlé gëutanyông
Asai mëukëunông pôma sëurëuta

Bah pih digata jinô kana ngôn
Bëutatém kalôn kamô ka tuha
Pôma ka usôh tubôh ka warôn
Bëurangkapat dông tëuót mëugëunta

Bëugôt anëuk drô lakô ta pëungôn
Bëulëubeh bak ngôn lakô ta jaga
Suka ngôn duka sama tëurimông
Bèkna rôh chéng chông lam rumôh tangga

Bëuna ibadah bak watè limông
Iman tëuh bëukông bèk rôh tëugoda
Watè na anëuk didék bëucarông
Pëurinsip bëukông jaga agama

   Pëusijuëk këulhè
==================
Pëusijuëk akhé kandé këurabat
Pëutua adat dari MAA
Gëupëurëuték ië lëupië kôn hèbat
Sira nëusambat dôá gëubaca

Bulukat tumpo sigô dëungô uë
Raja ngôn ratu mëusandéng dua
Cut adék Fitri umpama ratu
Cukôp sekupu gata mandua

Cut abang isa gata samlakö
Tuntun sambinö jalan agama
Hudép bahgia gata dua drö
Bëukayém tawö jak sawëu pôma

Lagè Muhammad Saidil Mursalin
Gaséh mëujalin ngôn Khadijah Al-qubra
Bëulagè Áli Khulafaul Rasyidin
Sabé that yakin ngôn Fatimah Zuhra

Bëurangso takzém këumi ngôn ayah
Tuhan nëubalah nëubri syuruga
Ngôn urëung lingka bèkna yang salah
Ubëut ta papah rayek ta saba

Komentar

Posting Komentar

Postingan populer dari blog ini

Pantoen Peusijuk

Gambar
Makna Peusjiuk Lam Basa Aceh Tgk Banta Chairullah Lam adat aceh kalhëuh gëupëuduk Hukôm pëusijuk lé urëung tuha Lagè gëuatô bèkna mëu isëuk Sëubab pëusijuëk ngôn tuëng sëumpëuna Tatuëng sëumpëuna nibak brëuh padé Kulét h'ana cré lëukang bak asô Dak jëut lagènyan sampôán maté Bèk rôh tëukëusé tanyô lam rugo Gëutuëng sëumpëuna tumpô bulukat Gaséh mëu ikat mandum gëutanyô Bëusabôh hatè bëusapu pakat Tuhan bri Rahmat malam ngôn urô Gëutuëng sëumpëuna bak ón sëunijuëk Rasa yang sijuëk bëuthat lam urô Bëurangpat tadông bëurangpat taduëk Dalam tawadhuk gata anëuk drô Ón manék manô ngôn nalëung sambô Pucôk h'antôm thô bëuthat lam urô Bu mubahgia mandum gëutanyô Bèk rôh tëulanjô nibak buët kutô Gëutuëng sëumpëuna bak lëubu itam Dak ië mëukuyan h'an këunông asö Adak ngôn judô na salah paham Bèk sagai taulan gôb thè atranyô Lam ië sëunijuëk sira na gëubôh Kadang cit ék rôh masén suara Watè ta marit bëusunggôh-sunggôh Amanah bëutrôh bèk rôh mëutuka Na gëubôh saka supaya mam...
Selanjutnya

Makna Peuneuwo Linto

Gambar
Panton Penjelasan Peuneuwo Linto Ada beberapa barang yang biasanya dibawa oleh rombongan laki-laki seperti Kelapa Bertunas (U Timoh) nyang gëukhëun dëungôn u pawèe, Rumah Adat Aceh (Pëurakan) , U Tëulasôn, Pisang Mëutëundôn, Teubee Meu’on dan barang-barang lain seperti barang keperluan seperti Pakaian, peralatan ibadah, kosmetik, sandal/sepatu, peralatan mandi, pakaian dalam, dan lain-lain. Apakah barang itu hanya dibawa sebagai pelengkap walimatul urusy perkawinan ?, atau apakah barang-barang itu mempunyai makna dan filosofi ? U Timoh yaitu kelapa yang telah bertunas (biasanya 2 lembar) yang dinamakan dengan U Pawè sebagai lambang bahwa hari ini adalah titik awal membina bahtera keluarga dan diharapkan dapat tumbuh laksana tumbuhnya pohon kelapa dimana setiap bagiannya memiliki manfaat dan tidak ada yang sia-sia. Gëuba u timôh gëukhëun u pawè Sinan mëutëuntè dilè usëuha Gëuyujak pula bèk sampé layè Ikhtiyëu sampè nibak phôn mula Simpëuna sinan cit le mëutëuntè Misëu phôn d...
Selanjutnya

Nasib Pak Geuchik

Gambar
 Di dalam lampoh timoh bak coklat Timoh boh langsat didalam uteun Keu hai pak geuchik bacut lon intat Hanatom mangat jameun keu jameun Nasib pak geusyik hai rakan sahbat Hana tom mangat jameun keu jameun Ka sama corak dak beurang kapat Mameh deungon klat sidroe geu peutheun Haba lam gampong kaom uloen lhat Bak jino sa'at parah dum ureung Si uroe suntoek siboek lam upat Keubiet that ladat bak buet jungkat keung Inong ngon agam macam tabi'at Contoh hai sahbat cuba ulon leung Meuwab peng desa konna le that-that Nyan saboh seubab dawa duem ureung Keu geusyik gampoeng ladoem di hujat Macam di jungkat hanyi geulunyueng Wab niet hana troh beuroh peurangkat Ka di meupakat hoi aneuk kumuen Ladom bak jambo ato siasat Upat meu upat sampo meujeum-jeum Sinan geu bahah bhah rumoeh rehab Peureuseh sahbat lam rapat umum Geusyik lam desa na yang meutat-tat Ulei di kap-kap pike su ureung Macam di dawa le masyarakat Ban bacuet silap ka di lakei glueng Ulei geuh mumang peutimang Rakyat Bak geu peu...
Selanjutnya