Pantôn Aceh Lanië


Mangat tatagun nyán boh truëng cawiëng
Jampu boh muliëng ngôn rëubóng kala
Tapéh asam u alahai paliéng
Tèk-tèk rëubóng triëng bèk tuwó sira

Óh jiwo lakö na gëupuwo biëng
Ëungkót këurëuliëng ngôn anëuk kadra
Laju adék cok langsóng jak pëusíëng
Payéh boh lëubiem cukôp mëurasa

Hai anëuk dara yang gëunténg këuíeng
Yang mantông ting-ting harus bëulaja
Bèk óhna lakö dudö mëu kiëng-kiëng
Nyo boh truëng cawiëng h'anjëut pëucara

Di urëung agam macam óh tangiëng
Pat yangna boh driën këunan gëutëuka
Mëunan umpama bukón lón mëuhiëm
Gëupiléh ëumpiéng yang mangat rasa

Mémang cit mangat mëunyô truëng cawiëng
Mëunô rambót liëm maméh ban saka
Mëunyô asam u ngón ëungkót lëubiëm
Tapajôh tëuhiëng cukôp mëurasa

Adék h'an hawa nyan boh rambót liëm
Macam nëukuwiën këunö abang ba
Jióh that makna watè adek ngiëng
Yang pah bak kupiëng dek wéng bëutëuga

Watè lôn ingat si biring biring
Biët cukôp paliëng badan biola
Dak jëut bubagah taék pëulamiën
Adak tèh dingin naso bôh saka

Bahasa gayo nyan biring-biring
Aceh tëulantiën laén lom rupa
Misëu ka hawa bada ngôn ëumpiëng
Mita ju ëunciën kunéng suasa

Kôn basa gayo nyan biring biring
Basa batak khiëng ulôn gëulawa
Cut bang kasiap suasa ëunciën
Ngôn blö bôh lëupiëng hai dek bak gata

Pane dek tupuë mëunyan batak khiëng
Lagè bôh lëupiëng dronëuh hai kanda
Bak pëugah haba sang kana gadiëng
Padahai ëuncin bak toko cina

Óh bëukah kaca jimusu mëucriëng
Këurupuk muliëng mangat hai kanda
Anëuk kadua hawa pëulamiën
Hanjëut nëusunting adèk hai kanda

Triëng cawuëng truëng cawing
Lëumah tanging timôh këudrö
Tacróh mangat rëubóh pëusíëng
Trang ta mëungiëng jiôh dëungôn tóë

Komentar

Posting Komentar

Postingan populer dari blog ini

Pantoen Peusijuk

Gambar
Makna Peusjiuk Lam Basa Aceh Tgk Banta Chairullah Lam adat aceh kalhëuh gëupëuduk Hukôm pëusijuk lé urëung tuha Lagè gëuatô bèkna mëu isëuk Sëubab pëusijuëk ngôn tuëng sëumpëuna Tatuëng sëumpëuna nibak brëuh padé Kulét h'ana cré lëukang bak asô Dak jëut lagènyan sampôán maté Bèk rôh tëukëusé tanyô lam rugo Gëutuëng sëumpëuna tumpô bulukat Gaséh mëu ikat mandum gëutanyô Bëusabôh hatè bëusapu pakat Tuhan bri Rahmat malam ngôn urô Gëutuëng sëumpëuna bak ón sëunijuëk Rasa yang sijuëk bëuthat lam urô Bëurangpat tadông bëurangpat taduëk Dalam tawadhuk gata anëuk drô Ón manék manô ngôn nalëung sambô Pucôk h'antôm thô bëuthat lam urô Bu mubahgia mandum gëutanyô Bèk rôh tëulanjô nibak buët kutô Gëutuëng sëumpëuna bak lëubu itam Dak ië mëukuyan h'an këunông asö Adak ngôn judô na salah paham Bèk sagai taulan gôb thè atranyô Lam ië sëunijuëk sira na gëubôh Kadang cit ék rôh masén suara Watè ta marit bëusunggôh-sunggôh Amanah bëutrôh bèk rôh mëutuka Na gëubôh saka supaya mam...
Selanjutnya

Makna Peuneuwo Linto

Gambar
Panton Penjelasan Peuneuwo Linto Ada beberapa barang yang biasanya dibawa oleh rombongan laki-laki seperti Kelapa Bertunas (U Timoh) nyang gëukhëun dëungôn u pawèe, Rumah Adat Aceh (Pëurakan) , U Tëulasôn, Pisang Mëutëundôn, Teubee Meu’on dan barang-barang lain seperti barang keperluan seperti Pakaian, peralatan ibadah, kosmetik, sandal/sepatu, peralatan mandi, pakaian dalam, dan lain-lain. Apakah barang itu hanya dibawa sebagai pelengkap walimatul urusy perkawinan ?, atau apakah barang-barang itu mempunyai makna dan filosofi ? U Timoh yaitu kelapa yang telah bertunas (biasanya 2 lembar) yang dinamakan dengan U Pawè sebagai lambang bahwa hari ini adalah titik awal membina bahtera keluarga dan diharapkan dapat tumbuh laksana tumbuhnya pohon kelapa dimana setiap bagiannya memiliki manfaat dan tidak ada yang sia-sia. Gëuba u timôh gëukhëun u pawè Sinan mëutëuntè dilè usëuha Gëuyujak pula bèk sampé layè Ikhtiyëu sampè nibak phôn mula Simpëuna sinan cit le mëutëuntè Misëu phôn d...
Selanjutnya

Nasib Pak Geuchik

Gambar
 Di dalam lampoh timoh bak coklat Timoh boh langsat didalam uteun Keu hai pak geuchik bacut lon intat Hanatom mangat jameun keu jameun Nasib pak geusyik hai rakan sahbat Hana tom mangat jameun keu jameun Ka sama corak dak beurang kapat Mameh deungon klat sidroe geu peutheun Haba lam gampong kaom uloen lhat Bak jino sa'at parah dum ureung Si uroe suntoek siboek lam upat Keubiet that ladat bak buet jungkat keung Inong ngon agam macam tabi'at Contoh hai sahbat cuba ulon leung Meuwab peng desa konna le that-that Nyan saboh seubab dawa duem ureung Keu geusyik gampoeng ladoem di hujat Macam di jungkat hanyi geulunyueng Wab niet hana troh beuroh peurangkat Ka di meupakat hoi aneuk kumuen Ladom bak jambo ato siasat Upat meu upat sampo meujeum-jeum Sinan geu bahah bhah rumoeh rehab Peureuseh sahbat lam rapat umum Geusyik lam desa na yang meutat-tat Ulei di kap-kap pike su ureung Macam di dawa le masyarakat Ban bacuet silap ka di lakei glueng Ulei geuh mumang peutimang Rakyat Bak geu peu...
Selanjutnya