Meuhaba Bak Intat Ranuep

Jakba Ranuëp

اَلْحَمْدُ لله الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَـقِّ لِيُظْهِرَهُ عَلَى الدِّيْنِ كُلِّهِ وَلَوْ كَرِهَ الْمُشْرِكُوْنَ ، أَشْهَدُ أَنْ لَا اله إِلاَّ الله وَأَشْهَدُ أَنَّ مُحَمَّدًا رَسُوْلُ الله.اللهم صَلِّ عَلَى مُحَمَّدٍ وَعَلَى أله وَأَصْحَابِهِ أَجْمَعِيْنَ. أَمَّا بَعْدُ

وَلَا جُنَاحَ عَلَیۡكُمۡ فِیمَا عَرَّضۡتُم بِهِۦ مِنۡ خِطۡبَةِ ٱلنِّسَاۤءِ أَوۡ أَكۡنَنتُمۡ فِیۤ أَنفُسِكُمۡۚ

Alhamdulillah ta Pujô Tuhan

Khaliqul Álam Allah Taála

Nyang pëujëut urô sëurëuta malam

Nyang pëujëut adam ngôn siti hawa

Óh lhëuh ta pujô këu sidrô Tuhan

Sëulawëut sajan këu Nabi bëuna

Nabi Pang Ulè dum sekalian

Rasul pilihan man sigôm dónya

Takzém horëumat kamô muliakan

Ulè pimpinan sinô di desa

Pada pak gëuchik salëum lôn layang

Sëurëuta sajan ibuk PKK

Këu Tgk imum tuha pëut sajan

H'ana cit tinggai ketua pemuda

Këupala dusôn ngôn tuha lapan

Salëum penghormatan mandum semua

Trôh langkah kamô maksud ngôn tujuan

Hajat hai taulan sambông syèdara

Këudatangan kamô nyang pëurëutama phôn

Mëu tunai rukôn jak intat pëuha

Nyang këuduwa jak mita kawôm

Kuta ngôn dusôn lôn tegur sapa

Nyang këu lhè jarô siplôh diatëuh ulèe

Tujuan mëutëuntè ranuëp mëujakba

Óh lhëuhnyan tëuma tamông nyang këupëut

Bëutrôk mëukëusud bëu Allah Ridha

Tëuma jinô nyang këu limöng

Lôntuan tamông lam puncak haba

Kruë sëumangat tuah mëukatô

Këu Allah sidrô ta syukôr bëuna

Kamô digampông mëulangkah këunô

Hajat pëusëulëusô masalah pëuha

Siplôh manyam mëuh kamô pëusampô

Janji urëungnyô sëulangké yuba

Alhamdulillah ta syukur bak Po

Nibak urônyô katrôk kamô ba

Tëungku tëurimông jëunamé anëuk drô

Lëungkap sinarô surat nëubaca

Bèk sampé silap tëulah óh dudô

Dua awaknyô ta pëusah sigra

Laén nibaknyan këu bungông jarô

Kamô ba këunô sialakada

Lëubèh ngôn kurëung bèk tgk pakô

Pëunténg gëutanyô sambông syèdara

Na ranup sipriëk ngôn bakông asö

Saka sikilo nacit kamö ba

Ranup thö tangké pinëung thö asö

Lön pëujôk jinö bak urëung tuha

Tëurimônggaséh óhnö sëulëusô

Izin këu kamô këunëuk jak gisa

Tgk pu mëuáh mandum kamô nyô

Mëudéh ngôn mëunô bak pëugah haba

Mëunan cit adat istiadat gëutanyô

Sigëutu saho mungkén na bèda

Mëunan cit rëusam dalam gampôngnyô

Wahé rakan drô mëutëupu h'ana

Kadang bak mëungíëng ka sigô sahô

Mëuáh tgk drô h'ana lôn saja

Kadang na sikap h'ana mëukëunông

Agam ngôn inông mëuáh lôn pinta

Atëuh ban mandum kurëung h'an bagô

Mëuáh këukamô mandum saudara

Bèk sampé singôh mëudéh ngôn mëunô

Maklum tgk drô h'ana mëusaja

Òhnôe këuh mantông nyangna bak kamô

Ulôn tôp jinô citka mumada

Wabillahi Taufiq Walhidayah Wassalamu'álaikum wr wb

        Prèeh Jamé Ba Ranup

============================

الحَمْدُ ِللهِ رَبِّ اْلعَالَمِيْنَ وَالصَّلَاةُ وَالسَّلَامُ عَلَى أَشْرَفِ اْلأَنْبِيَاءِ وَاْلمُرْسَلِيْنَ، سَيِّدِنَا وَنَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ. وَبَعْدُ

Alhamdulillah Pujô këu Rabbi

Nyang Maha suci Allah Ta'ala

Nyang pëujëut langét ka dëungôn bumi

Ban mandum isi alam semesta

Kalaulah sudah Allah di Puji

Selawatnya Nabi jangan di lupa

Sëulawëut salëum këupada Nabi

Rasul Ilahi nyang that mulia

Takzém mulia kamô hormati

Imum ngôn waki nyang katrôh tëuka

Këu bapak gëuchik horëumat lôn bri

Sëurëuta lagi pëurangkat desa 

Ketua adat salëum kamô bri

Këu dusôn lagi nyang katrôk tëuka

Ketua pemuda ngôn ahli famili

Muda ngôn mudi mandum keluarga

Kruë sëumangat Rahmat mëulimpah

Karônya Allah nëujôk këu hamba

Këu soai adat tgk mëutuah

Lagè pëunëugah lam hadih maja

Huköm Allah dalam sunnah dëungön Firman

Huköm raja lam acara undang² Huköm syaràk ka mëujamàk qanun rëusam

Huköm adat laèn teumpat laén macam

Mëugah le bôh drien sidèh meulabôh

Ngôn bôh drien bulôh h'an tatém tuka

Haba nyang lawi janji ka putôh

Urô nyöe katrôh ranup tgk ba

Kalhëuh kamô paréksa pëuha lam bungkôh

Mandumnyan katrôh jëunamé kana

Siplôh manyam mëuh kalhëuh tgk bôh

Urônyô tanggôh h'anlé mëutuka

Bulëun limông blah cahya jih tumbôh

Pëungëuh sëumëulhôh ban sigôm dônya

Këu soai nikah jinô ta pu putôh

H'analé tanggôh awaknyô duwa

Kapai tëurëubang lam awan putéh

Madéin inggréh dëungôn bëulanda

Këu bungông jarô tgk ba sidéh

Tëurimông gaséh lôn ucap sigra

Baik dari segi ranup bacut thèh kuéh

Kiriman sidéh këuno katrôk tgk ba

Kamô tëurimông ngôn haté putéh

Gaséh mëugaséh sabé syèdara

Bah pih tgk pëugah bunô that lipéh

H'an mëu pëujayéh bak urëung lingka

That mëurasëuki mawa ngôn matéh

Kana kuéh ëuntëuk mëutëumé rasa

Jëut kamô jôk siattëuk bak ahli warèh

Kiriman sidèh mangat lagôina

Kamô lakè mëuáh mandum bëu abéh

Kadang na jayéh kurëung muliya

Atëuh sambôtan ban mandum waréh

Haté tësëuréh óh trôk nëutëuka

Këu mandumnyan mëuáh bëu abéh

Kamô dari ahli waréh dan mandum keluarga

Kadang bidëung makanan siattëuk h'an mëucukupi

Tëumpat kamô bri kurëung bëurëuséh

Mandum kekurangan tgk maklumi

Maáfkan kami ngôn ahli waréh

Makanan masam lëupah boh makèn

Kadang sit masèn na lëupah sira

Kadang sit mëuhông na leupah rhëu

Mungkèn cit tabëu lagè ie raya

Kadang watèe tgk pajôh bu na lëumiëk mëutah

Mëunan cit kuah ka lëupah sira

Nëukalôn ëungkôt h'ana tëupanggang

Nyô kônlah masakan ibu-ibu Pkk

Atëuh sëugala nyang kekurangi

Mohonlah kami mëuáh bëu abéh

Beèk jëut këu upat belakang hari

Dan beèk jëut këu caci mëunö ngôn mëudèh

Mëunyôna bôh tomat brök

Bèk tgk adôk sapat ngôn campli

Hajat gëutanyö Tuhan nyang pëutrôk

Óh watè nikah trôk mëutëmè këumbali

Bak gurundông di tëungôh blang

Potong cabang pëugôt taméh wëu

Pakri tëungku ta mëubisan

Puna suah kamô pëukalôn bungông lam pagëu..?

Hadanallah Waiyyakum Ajmaìn

Wassalamuàlaikum wr wb